နှစ်ဟောင်း နှင့် နှစ်သစ် – သတိမကွာ အကောင်းမြင်စွာ ထွေးပိုက်ပါ။

နှစ်ဟောင်း နှင့် နှစ်သစ် – သတိမကွာ အကောင်းမြင်စွာ ထွေးပိုက်ပါ။
**********************
အောက်စ့်ဖို့ဒ်ဆရာတော် ပါမောက္ခ ဘဒ္ဒန္တဒေါက်တာဓမ္မသာမိ
နှစ်သစ်ကိုနည်းအမျိုးမျိုးဖြင့်ကြိုဆိုလေ့ရှိကြသည်။ အချို့ကနှစ်ဟောင်း၏နောက်ဆုံးရက်ကိုသောက်စား ပျော်ပါး ကခုန်ခြင်းဖြင့်ကြိုဆိုကြသည်။ အချို့ကမူ ကုန်လွန်ခဲ့သည့်နှစ်အတွင်း မိမိ၏အားနည်းချက်၊ ချို့ယွင်းချက်တို့ကိုပြန်လည်သုံးသပ်ပြီး ထိုကဲ့သို့လိုအပ်ချက်များမရှိရလေအောင်ပြုပြင်နေထိုင်သွားမည် ဟူသည့်နှစ်သစ်အဓိဌာန်မျိုးချမှတ်ကြသည်။အချို့ကလည်းအပန်းဖြေခရီးသွားခြင်း၊ ဈေးဝယ်ထွက်ခြင်း စသည်ဖြင့် စိတ်လှုပ်ရှားဖွယ်အစီအစဉ်များဖြင့် နှစ်ဦးကာလကိုကြိုဆိုကြသည်။ အချို့လူများအဖို့မူ နှစ်ဟောင်း၏အရိပ်ဟောင်းတို့ကိုဆက်လက်ခေါ်ဆောင်လာမှုကြောင့် နှစ်သစ်တွင်လည်းရတက်မအေး ကြရရှာပေ။
နှစ်ဟောင်းကိုနှုတ်ဆက်ပြီးနှစ်သစ်ကိုကြိုဆိုရာတွင် မျှတသည့်အတွေးအမြင်မျိုးရှိသင့်သည်ဟု ယုံကြည် မိသည်။ ထိုကဲ့သို့အမြင်မျိုးကိုလည်း နှစ်ဟောင်းကိုဓမ္မဓိဌာန်ကျကျရှုမြင်ခြင်းဖြင့်သာ ရရှိနိုင်မည်ဖြစ်သည်။ မှန်ပါသည်။ ဤ ‘ဓမ္မဓိဌာန်ကျကျရှုမြင်ခြင်း’ ဟူသည့်ဝေါဟာရကို အကြောင်းအရာတစ်ခုအပော်အ​ခြေအတင်ဆွေးနွေးခြင်း (Debate)၌ သုံးလေ့ သုံးထရှိပြီး ထိုဝေါဟာရကို မကြာမကြာ အသုံးပြုခြင်းက သူ၏ အဓိပါယ်ကို ပေါ့လျော့စေရန် ခြိမ်းခြောက်နေသကဲ့သို့ ဖြစ်သည်။ ဤနေရာတွင် ‘ဓမ္မဓိဌာန်ကျခြင်း’ ဟူသည်မှာ ကုန်လွန်ခဲ့ပြီးဖြစ်သည့် ဆယ့်နှစ်လတာကာလအတွင်း ကြုံတွေ့ခဲ့ရသည့် ပျော်ရွှင်ဖွယ်နှင့် စိတ်ပျက်ဖွယ် နှစ်မျိုးစလုံးကို ပြန်လည်သုံးသပ်ဆင်ခြင်ပြီး တည်ငြိမ်စွာ ကိုင်တွယ်ဖြေရှင်း နိုင်ခြင်းမျိုးပင်ဖြစ်သည်။
အတိတ်ကာလမှချို့ယွင်းချက်၊ အားနည်းချက်မျှကိုသာပြန်လည်သုံးသပ်ခြင်းဖြင့် ဓမ္မဓိဌာန်ကျပြီး မျှတသည့်စိတ်ထားမျိုးကိုရရှိနိုင်မည်မဟုတ်။ အတိတ်မှမအောင်မြင်မှု၊ ကျရှုံးမှုများကိုသာပြန်လည် တွေးတောခြင်းဖြင့် မိမိတို့၏ရေရှည် အမှတ်သညာတွင် အဆိုးမြင်တတ်သည့်အတွေးအမြင်တို့သာလွှမ်းမိုး လာမည်ဖြစ်သည်။ မှတ်ဥာဏ်တို့သည် များသောအားဖြင့်စိတ်ခံစားမှုများနှင့်ဆက်နွယ်လျက်ရှိသဖြင့် မှတ်ဥာဏ်အစဉ်တွင် အဆိုးမြင်အယူအဆတို့သာမက အဆိုးမြင်စိတ်ခံစားမှုများဖြင့်ပြည့်နှက်လာမည် ဖြစ်သည်။ ထိုကဲ့သို့အကျင့်မျိုးကို နှစ်ပေါင်းများစွာမွေးမြူထားသူများသည် အရေးကြုံလာသည့်အခါ အကောင်းဖက်မှတွေးတောရှုမြင်တတ်သည့် စိတ်၏စွမ်းရည်တို့ကိုဆင့်ခေါ်ရယူနိုင်စွမ်းရှိကြမည်မဟုတ်ပေ။
ဝစ်ကွန်ဆင်န်တက္ကသိုလ် နှင့် အမေရိကန်နိုင်ငံနှင့် အင်္ဂလန်နိုင်ငံများမှ အခြားသောထိပ်တန်း တက္ကသိုလ်ကြီး များမှ ဦးနှောက်နှင့်အာရုံကြောပါရဂူများ၊ စိတ်ရောဂါပါရဂူများ၏တရားအားထုတ်သူနှင့် တရားအားမထုတ်သူ တို့၏ဦးနှောက်များကိုနှိုင်းယှဉ်လေ့လာတွေ့ရှိချက်များအရ စိတ်ခံစားမှုတို့သည်ဦးနှောက်အတွင်းရှိ် နူရွန်များ
အပေါ်လွမ်းမိုးလျက်ရှိပြီး နူရွန်များသည်လည်းခန္ဓာကိုယ်တစ်ခုလုံးရှိအာရုံကြော စနစ်များအပေါ် တစ်ဖန်တန်ပြန်သက်ရောက်မှုများရှိနေပေသည်။
အပြုသဘောဆောင်သည့်စိတ်ခံစားမှုများသည် ဦးနှောက်၏လုပ်ဆောင်ချက် များကိုတိုးတက်စေရန် ပြန်လည်ဆက်သွယ်ပေးစေနိုင်ပြီး ‘ဦးနှောက်ပိုင်းဆိုင်ရာ နူရွန်ပလပ်စတစ်စီတီ သီအိုရီ’ (neuro plasticity theory)၏ ရှာဖွေတွေ့ရှိချက်အသစ်များကိုပြန်လည်အနှစ်ချုပ်ရသော် အပြုသဘောဆောင်သည့် နူရွန်များသည် ခန္ဓာကိုယ်ကိုပြန်လည်ကုသရာတွင် အထောက်အကူဖြစ်စေနိုင်သည်ကိုတွေ့ရှိရသည်။ ဤတွေ့ရှိချက်များအရ အတိတ်ကာလမှ စိတ်အနှောက်အယှက်ဖြစ်ဖွယ်များနှင့် ပြန်လည်ရင်ကြားစေ့ ဖြေရှင်းရာတွင် အကောင်းမြင်မှုဖြင့် စတင်ကြရမည်ဖြစ်သည်။ ဆိုလိုရင်းမှာ နှစ်ဟောင်းမှ ကောင်းကွက်များကိုဦးစွာ ပြန်ပြောင်းအောက်မေ့ပြီးကြည်နူး ၀မ်းမြောက်ကြရမည်။ ဖြတ်သန်းခဲ့သည့်ဆယ့်နှစ်လတာကာလအတွင်းကြုံတွေ့ခဲ့သည့်အေးချမ်းပျော်ရွှင်ဖွယ်
အချိန်ကာလများစွာကို သတိတရားဖြင့်ပြန်လည်သုံးသပ်ကြရပေမည်။ ထိုသို့သတိတရားဖြင့်မကြာခဏ ပြန်လည်အောက်မေ့ခြင်းဖြင့် မိမိ၏ ရေရှည်မှတ်ဥာဏ်တွင် ထိုအေးချမ်း သာယာဖွယ်ကာလတို့ကိုပြန်လည် ထင်ဟပ်စေနိုင်မည်ဖြစ်သည်။ ထိုမျှမကပြီးခဲ့သည့်အချိန်များအတွင်းမိမိ၏မိသားစုဝင်များ၏ကောင်းကွက်များ၊
အောင်မြင်မှုများအပေါ်၌ လည်း ပြန်လည်အောက်မေ့ဝမ်းမြောက်သင့်ပြီး ထိုစိတ်အစဉ်ကို မိမိ၏မိတ်ဆွေများ နှင့် အခြားပုဂ္ဂိုလ်များအပေါ်၌လည်း ထပ်မံတိုးချဲ့ဖြန့်ကျက်သင့်သည်။ ဤသည်ကား ထေရ၀ါဒဗုဒ္ဓ တရားတော်လာ အဖန်ဖန်သုံးသပ်အောက်မေ့ခြင်းဟူသည့် ‘အနုဿတိ’ ကျင့်စဉ်များ မှနည်းလမ်းတစ်ခုပင် ဖြစ်သည်။
ဤကဲ့သို့ရိုးရှင်းသလောက် အရေးပါလှသည့်အချက်အပေါ်မကြာခဏဆိုသလိုပင်အလေးမပြုလျစ်လျူရှုခြင်း၊
ပေါ့ပေါ့တန်တန် သဘောထားခြင်းများဖြစ်တတ်ကြသေးသည်။ လူအများစုသည် လွန်ခဲ့သောနှစ်က မိမိတို့ ရရှိခဲ့သည့် အောင်မြင်မှုများ၊ လုပ်ဆောင်ခဲ့သည့်အကျိုးပြုလုပ်ငန်းများအပေါ် စစ်မှန်သည့်ပျော်ရွှင်ကြည်နူးမှု များရရှိအောင်ခံစားနိုင်ခြင်းမရှိကြသည်ကိုတွေ့ရှိရသည်။ အခိုက်အတန့် စိတ်လှုပ်ရှားဖွယ် မှတစ်ပါး ပြီးခဲ့သည့် အတိတ်၏ကောင်းကွက်များနှင့် မည်ကဲ့သို့ပြန်လည်ဆက်စပ်ရမည်ကို မသိသကဲ့သို့ ဖြစ်နေတတ်ကြသည်။ စိတ်လှုပ်ရှားဖွယ်ကာလကိုလွန်မြောက်ခြင်းနှင့်အတူမိမိတို့၏ကောင်းမှုများကိုလည်း စိတ်အစဉ်နှင့် မည်ကဲ့သို့ ဆက်စပ်ရမည်ကိုမသိသကဲ့သို့ဖြစ်တတ်ကြပြန်သည်။
ရေရှည်မှတ်ဥာဏ်တွင် အပြုသဘောဆောင်သည့် စိတ်ခံစားမှုကိုမမွေးမြူတတ်သည့်အလေ့အထကြောင့် အတိတ်၏စိတ်အစဉ်တို့တွင် အဆိုးမြင်စိတ်ခံစားမှု၊ အတွေးအမြင်တို့သည်သာအားကောင်းလျက်ရှိနေ ကြသည်။ ထိုအလေ့အကျင့်တို့က အတွေ့အကြုံသစ်တို့နှင့်ကြုံသည့်အခါ လက်ခံထားရှိမည့်စိတ်ထားအပေါ် လွှမ်းမိုးမှုများ ရှိနေမည်မှာမလွဲဧကန်ပင်ဖြစ်သည်။ ဤသို့ဆိုသဖြင့်နှစ်ဟောင်း၏အားနည်းချက်၊ လိုအပ်ချက် တို့ကို လျစ်လျူရှုရမည်ဟုမယူဆစေလိုပါ။ ဘ၀တွင်အဆိုးလောကဓံနှင့်ရင်ဆိုင်ရရာအခါဝယ် အကောင်း လောကဓံကို ပြန်ပြောင်းအောက်မေ့ဆင်ခြင်နိုင်ကြစေရန်အကြံပြုလိုခြင်းမျှသာဖြစ်သည်။ လူအများစု ၏ စိတ်သန္တာန်ဝယ် အဆိုးမြင်စိတ်စွမ်းအားတို့က အားသာနေတတ်သဖြင့် အကောင်းမြင်စိတ်ခံစားမှုနှင့် အပြုသဘောဆောင်သည့် အတွေးအမြင်တို့ကိုပွါးများစေနိုင်ရေးကိုအလေးထား၍ပြောကြားလိုခြင်းဖြစ်သည်။
အလျင်းသင့်၍ ဤနေရာတွင် ပြည်ထောင်စုသမ္မတမြန်မာနိုင်ငံတော်၊ ရှမ်းပြည်နယ်အရှေ့ပိုင်းဒေတွင်နေထိုင် ကြသူများ၏ ထေရ၀ါဒဗုဒ္ဓကျင့်စဉ်ကိုဝေမျှလိုသည်။ မိမိထက်အသက်သိက္ခာကြီးမြတ်သူများနှင့်တွေ့ဆုံရာ တွင်ရွတ်ဆိုလေ့ရှိသည့်ပါဠိဘာသာဖြင့်သီကုံးထားသည့်စာစုများကိုမြန်မာဘာသာသို့ပြန်ဆိုဖော်ပြရလျှင်
“ဂါရ၀ပြုနှုတ်ခွန်းဆက်သပါ၏။
အကျွန်ုပ်အပေါ်အပြစ်တစ်စုံတစ်ရာတွေ့လျှင် အပြစ်မယူသည်းခံခွင့်လွှတ်ပေးပါ။
အကျွန်ုပ်၏ကောင်းမှု၊ အောင်မြင်မှုများအပေါ်လည်းဝမ်းမြောက်ပေးပါ။
အသင်၏ကောင်းမှု၊ အောင်မြင်မှုများအပေါ်လည်း အကျွန်ုပ်က၀မ်းမြောက်ဂုဏ်ယူပါ၏”
ဤစာစုတွင် စိတ်ခံစားမှုကိုမျှတစွာကိုင်တွယ်ဖြေရှင်းနည်းကိုတွေ့ရှိနိုင်ပြီး မိမိ၏ ဆိုးကွက်၊ ကောင်းကွက် နှစ်ပါးစုံကိုထည့်သွင်းဖော်ပြထားရုံမျှမက သူတစ်ပါးနှင့်ဆက်နွယ်သည့် စိတ်ပိုင်းဆိုင်ရာကဏ္ဍတွင်လည်း
သူတစ်ပါး၏ ကောင်းကွက်ကိုအလေးထားဖော်ဆောင်လျက်ရှိသည်ကိုတွေ့ရသည်။ ယေဘုယျအားဖြင့် ဆိုသော်အကျွန်ုပ်တို့သည်သူတစ်ပါး၏ကောင်းကွက်ထက်ဆိုးကွက်ကိုသာအလေးထားမိကြသည်မဟုတ်ပါ
လော။
အကယ်၍အကျွန်ုပ်တို့အနေဖြင့်စိတ်ခံစားမှုကိုမျှတစွာကိုင်တွယ်ဖြေရှင်းနိုင်ပါကနှစ်ဟောင်းမှစိတ်မနှစ်မြို့ဖွယ် များကိုမိမိကိုယ်ကိုယုံကြည်မှုအပြည့်ဖြင့်ဖြေလျော့နိုင်မည်ဖြစ်ပြီး တစ်ဖက်စောင်းနင်းဖြစ်သော စိတ်ခံစားမှု၊ မမျှတသည့်အတွေးအမြင်တို့မှပေါက်ဖွားလာသည့် နာကျင်မှုတို့မှကင်းဝေးသော စိတ်နှလုံးဖြင့် နှစ်သစ်ကို ကြိုဆိုနိုင်မည်ဟုယုံကြည်ပါသည်။ အကျွန်ုပ်တို့၏ကြည်လင်အေးမြသောစိတ်နှလုံး၏ အစွမ်းဖြင့် လာမည့် နှစ်သစ် ၂၀၁၇ ၏ အချိန်ကာလများကို ပိုမိုကောင်းမွန်အောင်ပြုလုပ်နိုင်မည် မဟုတ်ပါလော။
ပြည်ထောင်စုသမ္မတမြန်မာနိုင်ငံတော် နှင့်အတူ ကမ္ဘာမြေကြီးသည် ငြိမ်းချမ်းရေးကိုလိုအပ်လျက်ရှိသည်။
ကမ္ဘာ့ငြိမ်းချမ်းရေးသည်အကျွန်ုပ်တို့၏နှလုံးသားမှပေါက်ဖွားလာခြင်းဖြစ်သည်။ တစ်ဦးတစ်ယောက်ချင်း၏
ငြိမ်းချမ်းရေးသည် အတိုင်းအတာပမာဏအားဖြင့်သော်လည်းကောင်း၊ လက်ငင်းအကျိုးသက်ရောက်မှု အားဖြင့်သော်လည်းကောင်းကြီးမားသည်ဟုမဆိုနိုင်သော်လည်း အကယ်၍ အကျွန်ုပ်တို့သည် တစ်ဦးချင်း အနေဖြင့်မိမိ၏စိတ်ခံစားမှုတို့ကိုဟန်ချက်ညီညီကျန်းမာကြံ့ခိုင်စွာထိန်းသိမ်းနိုင်ခြင်းသည်ပင်လျှင်သေးဖွဲ
သောအလုပ်ကိုထူးကဲကြီးမြတ်စွာလုပ်ခြင်းမည်သည်မဟုတ်ပါလော။ အဘယ်ကြောင့်ဆိုသော် တစ်ဦးချင်း ငြိမ်းချမ်းမှုမရှိသေးသမျှကာလပတ်လုံးမိမိ၏ပတ်ဝန်းကျင်လောကတွင်လည်းငြိမ်းချမ်းမှုမရှိနိုင်ခြင်းကြောင့်
ပင်တည်း။
မိမိတို့၏ နှလုံးသားတွင်ငြိမ်းချမ်းမှုကိုရှာဖွေနိုင်ရန်အတွက် အကျွန်ုပ်တို့အချင်းချင်းဖေးမကူညီနိုင်ကြပါစေ။
အကောင်းမြင်တတ်သည့်စိတ်နှလုံး၊ အပြုသဘောဆောင်သည့်အတွေးအမြင်တို့ဖြင့်နှစ်ဟောင်းကို နှုတ်ဆက်၍ နှစ်သစ်ကိုလက်ကမ်းကြိုနိုင်ကြပါစေ။
(အင်္ဂလိပ်ဘာသာမှ မြန်မာဘာသာသို့ ဆရာလေး ဒေါက်တာယုဇနဥာဏီ ဘာသာပြန်ဆိုသည်။)

####photo credit to Ven. Candima SSBU

Leave a Reply

Your email address will not be published.

− 2 = 6